Zëdhënësi i Policisë Avni Zahiti ka bërë të ditur për teve1.info se janë intervistuar dy ankues dhe një person i dyshuar.
Zahiti theksoi se rastet po trajtohen si “Kanosje” dhe “Lëndim i lehtë trupor”.
“Lidhur me rastin e raportuar sot rreth orës 10:00, për një incident në oborrin e Universitetit të Mitrovicës , policia ka nisur hetim, ka intervistuar dy ankues dhe një person të dyshuar, të gjitha veprimet e ndërmarra hetimore i janë paraqitur prokurorit të rastit, ku është sugjeruar që hetimet të zhvillohen në drejtim të veprave penale ‘Kanosje’ dhe ‘Lëndim i lehtë trupor’. Rasti vazhdon të hetohet në procedurë të rregullt”, ka thënë Zahiti. /Teve1.info/
