Policia e Kosovës ka dhënë informacione rreth rastit të grabitjes së armatosur në një argjendari në Suharekë mbrëmjen e së mërkurës, raporton teve1.info
Sipas njoftimit 24-orësh të Policisë, si pasojë e kësaj grabitjeje, lëndime trupore nga arma e zjarrit kanë pësuar dy policë, të cilët pas trajtimit mjekësor janë liruar në shtëpi.
Policia ka njoftuar se i ka ndërmarrë të gjitha veprimet e nevojshme hetimore për identifikimin e personave të dyshuar në këtë grabitje.
“Është raportuar se katër persona të dyshuar të maskuar dhe të armatosur kanë kryer grabitje në një argjendari. Gjatë grabitjes të dyshuarit kanë shtënë me armë zjarri në drejtim të zyrtarëve policor të cilët i ishin përgjigjur rastit. Si pasojë, dy zyrtar policor kanë pësuar lëndime trupore dhe të njëjtit pas pranimit të tretmanit mjekësorë janë liruar. Në vendngjarje kanë dalur të gjitha njësitë përkatëse policore dhe janë ndërmarrë veprimet operative dhe hetimore në identifikimin e personave të dyshuar”, thuhet në komunikatë.
