Sipas njoftimit, zyrtarët policorë kanë hasur në rezistencën e tij, pasi që ai pa autorizim kishte hipur në binën ku performojnë artistët.
Policia njoftoi se ai nuk kishte respektuar urdhrin e personit zyrtar dhe se është shoqëruar në stacionin policor.
“Gjatë zhvillimit të Festivalit Sunny Hill, i cili po mbahet në parkun e Gërmisë, më 06.08.2022 rreth orës 16:50, te bina ku përformojnë artistët, është ndaluar: Sh.K., (viti i lindjes 1955, mashkull kosovar), i cili pa autorizim kishte hipur në binë. Zyrtarë policorë që janë të angazhuar në ofrim të sigurisë gjatë zhvillimit të festivalit, kanë kërkuar që personi në fjalë të largohej nga aty. Ai nuk ka respektuar urdhrin e personit zyrtar dhe me këtë rast është shoqëruar në stacionin policor”, thuhet në njoftim./teve1.info/
