Policia e Kosovës ka kryer bastisje në tri lokacione në komunën e Zveçanit, nën dyshimin se janë duke u zhvilluar veprimtari të kundërligjshme, organizim të skenave piramidale dhe bixhozit.
Kështu ka konfirmuar për tëvë1, zëvendësdrejtori i Policisë për rajonin e veriut, Veton Elshani i cili tha se në tri lokacione janë hasur pajisje teknologjike të cilat kanë mundësuar zhvillimin e lojërave te fatit.
Ai ka deklaruar se për këtë rast, janë të dyshuar pesë persona, ku tre prej tyre janë duke u intervistuar, kurse dy të tjerë nuk janë hasur por janë të njohur për policin.
Elshani ka bërë të ditur se për këtë rast është njoftuar edhe prokurori kujdestar.
“Me datën 15.01.2026 njësia e hetimeve te stacionit policore ZUBIN Potok ne DRP Mitrovice Veri nga rrugët operative ka pranuar një informatë se ne tri lokale ne qytetin e Zubin Potokut janë duke u zhvilluar veprimtari te kundërligjshme konkretisht organizimi i skenave piramidale dhe bixhozit te paligjshëm. Njësia e hetimeve e stacionit policore Zubin Potok, me asistimin e njësive relevante te DRP Mitrovice Veri kemi bere bastisjen ne te tri lokalet. Ne te tri lokacionet janë hasur pajisje teknologjike te cilat mundësojnë zhvillimin e lojërave te fatit si dhe janë te dyshuar 5 (pesë) persona ku 3 (tre) prej tyre janë duke u intervistuar kurse 2 (dy) të tjerë nuk janë hasur aty por janë te njohur për policin, ndërsa janë intervistuar edhe 5 dëshmitar. Është njoftuar prokurori kujdestar i cili ka udhëzuar qe te inicioj tri raste “Organizimi i skenave piramidale dhe bixhozit te paligjshëm” e sanksionuar me nenin 294 te KPRK-s”, ka deklaruar Elashani.
