Policia e Kosovës ka dhënë detaje të reja lidhur me aksidentin me fatalitet që ka ndodhur dje në Suharekë, ku mbeten të vdekur dy persona.
Policia thotë se e dyshuara, derisa po drejtonte veturën kishte dalë në shiritin e kundër të rrugës me ç’rast e ka goditur motoçikletën.
Vozitësi i motoçikletës dhe pasagjeri kanë humbur jetën në vendin e ngjarjes si pasojë e aksidentit, e në veturë kanë pësuar lëndime trupore dy gra.
Ato kanë pranuar trajtim mjekësor, e njëra është ndaluar për trajtim të mëtutjeshëm.
Ndërkohë, e dyshuara është arrestuar dhe dërguar në mbajtje.
“Me vendim të prokurorit trupat e pa jetë janë dërguar në IML për obduksion, ndërsa e dyshuara është arrestuar dhe është dërguar në mbajtje”, thuhet në raportin ditor./teve1.info/
