Policia e Kosovës ka identifikuar tre të mitur, si të dyshuar për përfshirje në zjarrin që ndodhi para dy ditësh në Muzeun e vjetër të Muzikës në Gjakovë.
Bëhet e ditur se pas dëgjimit të tyre, në konsultim me prokurorin e çështjes, të miturit janë liruar në procedurë të rregullt, përcjell teve1.info
“Më datë 31.08.2023, pas një pune intensive hetuesit policorë kanë arritur të identifikojnë tre persona të moshës së mitur, të dyshuar si kryes të mundshëm të veprës. Pas dëgjimit të tyre në prezencën e akterëve të nevojshëm në konsultim me prokurorin e çështjes të njëjtit janë liruar në procedurë të rregullt”, thuhet në njoftim.
Më 30 gusht, Muzeu i muzikës në Gjakovë është përfshirë nga zjarri, teksa persona të lënduar nuk ka pasur.
Ministria e Kulturës, Rinisë dhe Sportit ka njoftuar se në kuadër të buxhetit për investime kapitale, ka ndarë buxhet për ndërhyrje restauruese në këtë monument. /Teve1.info/
