Policia e Kosovës ka njoftuar se gjatë kontrollit rutinë ka ndaluar një veturë me targa vendore ku është vërtetuar se i njëjti ishte duke drejtuar mjetin e tij edhe pse kishte ndalesë të drejtimit si masë mbrojtëse për tre muaj.
Sipas njoftimit, shoferit i është shqiptuar gjoba në vlerë prej 500 euro, 5 pikë negative dhe masën e përkohshme të ndalim vozitjes së mjeteve motorike në afat prej gjashtë (6) muaj.
“Konfiskohet përkohësisht vetura vozitësit i cili drejtonte mjetin edhe pse e kishte të konfiskuar patentë shoferin. Njësiti patrollues në Kamenicë gjatë një kontrolli rutinë bazuar në ligjin e ri të trafikut kanë ndalur një veturë me targa vendore dhe gjatë kontrollit është vërtetu se vozitësi shqiptar shtetas i Kosovës drejtonte mjetin e tij edhe pse kishte ndalesë të drejtimit të mjetit si masë mbrojtëse për tre muaj . Të njëjtit sipas nenit 246 konform ligjit për rregullat në trafikun rrugor 08/L-186 i është shqiptuar gjoba në vlerë prej pesëqind (500) euro, pesë (5) pikë negative dhe masën e përkohshme të ndalim vozitjes së mjeteve motorike në afat prej gjashtë (6) muaj”, thuhet në njoftim./teve1.info./
