Policia e Kosovës ka njoftuar se një person i cili po drejtonte një veturë në të cilin dyshohej se kishte narkotik ka goditur një polic dhe veturën zyrtare.
Rasti ka ndodhur në Suhdoll në Mitrovicë rreth orës 12:40.
Bëhet e ditur se policia ka gjuajtur me armë zjarri në “ përpjekje për të larguar sulmin nga vetja”
“Rreth orës 12 e 40 në Suhodoll derisa policia kishte bërë përpjekje për të ndaluar një veturë e cila dyshohej se kishte narkotik, i njëjti e ka godit me veturë policin i cili ishte në këmbë e poashtu edhe veturën e policisë. Në përpjekje për të larguar sulmin nga vetja, policia ka shtënë me armë zjarri por nuk ka të lënduar”, thuhet nga Policia për teve1.info
Policia thotë se në bazë të informacioneve rasti ka të bëjë me marihuanë.
“Personi i dyshimtë ka lënë veturën në vend të ngjarjes dhe ka ik në këmbë. Kemi informacione për të dyshimtin dhe besojmë se kemi të bëjmë me rast me marihuanë. Policia ende është në vend të ngjarjes dhe po merret me rastin”, thuhet nga PK-ja.
