Lidhur me këtë rast, policia ka bërë të ditur se drejtuesit të automjetit i është shqiptuar gjoba prej 500 euro, pesë pikë negative si dhe i është ndaluar vozitja për një vit, shkruan teve1.info.
“Bazuar në dispozitat e Ligjit për Rregullat e Trafikut Rrugor, ndaj drejtuesit të mjetit është shqiptuar gjoba prej 500 euro, 5 pikë negative si dhe masa mbrojtëse-ndalimi i drejtimit të automjetit në territorin e Republikës së Kosovës për një (1) vit”, thuhet në njoftim.
Ndër të tjera tutje në njoftimin e policisë thuhet se Njësia Rajonale e Trafikut Rrugor në Gjakovë do të vazhdon me marrjen e masave preventive dhe ndëshkuese në vazhdimësi ndaj shkelësve të ligjit në trafikun rrugor.
“Drejtoria Rajonale e Policisë-Gjakovë apelon tek shoferët e automjeteve që të respektojnë shpejtësinë e lëvizjes dhe rregullat e komunikacionit rrugor në mënyrë që të jenë kontribues aktiv në rritjen e sigurisë në rrugë” thuhet në njoftimin e Policisë.
