Policia e Kosovës në veri të Mitrovicës ka kontrolluar banesën e të dyshuarit M.I, ku ka gjetur dhe konfiskuar dy copë jelek taktik antiplumb, një gas mask, 14 karikator të Ak/47, 256 Fishek te Ak/47, 24 Fishek 7.62 mm dhe substancë e dyshuar narkotike me peshë rreth 1 gram.
Kështu ka bërë të ditur për tëvë1, zëvendësdrejtori i policisë për rajonin e Mitrovicës, Veton Elshani i cili tha se i dyshuari është dërguar në stacionin policor.
“Me date 21.05.2025 rreth orës 11:00 pas marrjes se informatave nga tereni për posedim te narkotikeve, nga njësia e DHTN-s Mitrovice Veri ne asistim edhe te Regjionit Mitrovica e Veriut është kontrolluar banesa e te dyshuarit M. J. i lindur me 2001. Gjate kontrollit ne banesë janë gjetur dhe konfiskuar dëshmitë si vijon: Dy copë jelek taktik antiplumb, Një gas mask, 14 Karikator te Ak/47, 256 Fishek te Ak/47, 24 Fishek 7.62 mm dhe Substance e dyshuar narkotike me pesh rreth 1 gram. I dyshuari është dërguar ne Stacionin Policor Mitrovice Veri për procedura te mëtejme. Ne lidhje me rastin është njoftuar Prokurori kujdestar i P.TH Mitrovice i cili udhëzon qe rasti te iniciohet dhe i dyshuari dërgohet ne ndalim për 48 ore”, ka deklaruar Elshani.
