Policia e Kosovës, ka dhënë detaje lidhur me gjetjen dhe shkatërrimin e një laboratori të drogës në Leposavq në veri të Kosovës.
Sipas Policisë së Kosovë në këtë aksion të zhvilluar të martën, përveç bimëve narkotike, është gjetur dhe sekuestruar një pushkë gjuetie me 43fishek të gjuetisë, një uniformë e Policisë së Kosovës.
“Operacioni policor ka rezultuar me gjetjen e gjithsej (409) bimëve të dyshuara të kanabisit me gjatësi prej 5 deri në 15 cm, një pushkë gjuetie me gjithsej (43) fishek të gjuetisë, si dhe pajisje tjera të cilat nevojiten për improvizimin e laboratorit (poqa, ventilim, termostate, nxehëse, etj.), si dhe një jakne e Policisë së Kosovës”, thuhet në komunikatën e Policisë së Kosovës.
Për këtë rast është arrestuar një person dhe një tjetër është në kërkim.
“I dyshuari me inicialet (M.I.) me aktvendim të prokurorit kujdestar ndalohet për 48 orë, kurse i dyshuari tjetër me iniciale (S.S) është në kërkim të Policisë”, thuhet nga Policia.
Rasti vazhdon të hetohet nga antidroga e (DHTN) Mitrovicë veri.