Janë gjetur kamera vëzhguese në dy lokacione të ndryshme në veri të vendit, pas një bashkëpunimi mes Policisë së Kosovës dhe AKI-së.
Zëvendësdrejtori i Policisë për rajonin e veriut, Veton Elshani ka deklaruar për tëvë 1 se kamerat dyshohet që përdoreshin në vazhdimësi nga institucionet e sigurisë së Serbisë.
Elshani ka bërë të ditur se për këtë rast, janë identifikuar dy persona të cilët është në interes të policisë që të intervistohen.
“Me date 27.06.2024, Policia e Kosovës në bashkëpunim të ngushtë me AKI-në, kanë identifikuar dy lokacione në të cilat kanë qenë të vendosura kamerat vëzhguese të kamufluara për monitorim të lëvizjeve të qytetarëve, institucioneve të Qeverisë së Republikës së Kosovës dhe prezencës ndërkombëtare në veri të vendit. Këto kamera dyshohet se janë përdorur në vazhdimësi nga institucionet e sigurisë së Serbisë. Lidhur me këtë rast janë të identifikuar dy persona të cilët janë me interes që të intervistohen nga ana e jonë”, ka thënë ai. /teve1.info/
