Policia e Kosovës ka gjetur një sasi armësh, granatash dhe municioni në një lokacion në Pejë të mërkurën.
Sipas Policisë, gjatë kontrollit në vendin e ngjarjes janë gjetur një armë e llojit AK-47, dy mitraloza të lehtë, një pushkë përsëritëse, pesë granata dore, shtatë karikatorë dhe rreth 510 fishekë.
Armët dhe municioni janë tërhequr nga njësiti përkatës i Forcës së Sigurisë së Kosovës (FSK), për t’u shkatërruar.
Rasti është hapur për hetim dhe po trajtohet nga organet kompetente.
“Është raportuar për disa armë dhe mjete të dyshimta, duke përfshirë mjete shpërthyese dhe municion. Lidhur me rastin, njësia policore ka siguruar vendin e ngjarjes, ku gjatë kontrollit të vendit të ngjarjes janë gjetur: një armë AK47, dy mitraloza të lehtë, një pushkë përsëritëse, 5 granata dore, 7 karikatorë dhe rreth 510 fishekë. Armët dhe municioni i gjetur janë tërhequr nga njësiti i FSK-së për shkatërrim”, thuhet në raportin e Policisë së Kosovës.
