Policia e Kosovës ka arrestuar dhe ka dërguar në vuajtje dënimi prej katër vite 47-vjeçarin në fshatin Grejkoc të Suharekës, për blerje dhe shpërndarje të narkotikëve.
Sipas policisë, i arrestuari është dërguar në vuajtje dënimi në Qendrën e Paraburgimit në Hajvali.
“I dënuari S.S. ishte shpallur fajtor me aktgjykim të formës së prerë nga Gjykata Themelore në Prizren për veprën penale të kryer në bashkëkryerje: blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”, ka njoftuar Policia./teve1.info/
