Policia e Kosovës ka njoftuar se ka sekuestruar tetë armë zjarri, të llojeve dhe kalibrave të ndryshëm në rajonin e Prishtinës.
Po ashtu, gjatë periudhës së njëjtë Policia ka rezultuar me shqiptimin e 5 mijë e 214 masave administrative me gjobë për lloje të ndryshme të kundërvajtjeve dhe shkeljeve të rregullave.
Nga zyrtarët policor të rajonit Prishtinës , gjatë javës së kaluar në lokacione të ndryshme e aksione të ndara, janë realizuar 233 urdhëresa të gjykatës, prej tyre 62 urdhëresa për vepra penale, ndërsa të tjerat për kundërvajtje, seanca, verifikime etj. Konform urdhëresave, pas përfundimit të procedurave policore, personat e dënuar me burgim janë dërguar për vuajtje të dënimit, ndërsa personat e dënuar me gjobë, janë liruar, pasi të njëjtit kanë kryer obligimet e caktuara në urdhëresa. Ndërkohë që aktivitete policore janë shtrirë edhe në segmente të tjera të sigurisë.“ – thuhet në njoftim
„Gjatë periudhës së njëjtë, janë sekuestruar 8 armë zjarri, të llojeve dhe kalibrave të ndryshëm. Ndërkaq aktivitetet policore në sferën e sigurisë në trafikun rrugor. Në po të njëjtën periudhë kohore, kanë rezultuar me shqiptimin e 5214 masave administrative me gjobë për lloje të ndryshme të kundërvajtjeve dhe shkeljeve të kodit rrugor.“ – thuhet më tej.
