Policia e Kosovës ka reaguar ndaj shkrimeve të publikuara në media serbe, të cilat i referohen një njoftimi të Ministrisë së Mbrojtjes së Serbisë, se kinse sipas tyre një grup pjesëtarësh të armatosur rëndë të Policisë së Kosovës kanë kaluar në mënyrë të paautorizuar vijën kufitare me Serbinë në veri të Kosovës.
Policia përmes një postimi në Facebook ka thënë se shkrimet e tilla të referuara nga Ministria e Mbrojtjes së Serbisë janë të pavërteta dhe nuk qëndrojnë.
Sipas policisë, këto janë denziformata që kanë për qëllim të krijoj pasiguri te qytetarët e asaj zone dhe të njollos punën e Policisë së Kosovës.
“Policia e Kosovës, si institucion i besueshëm dhe transparent do kujdeset në vazhdimësi që të ofrojë informacione zyrtare për media dhe opinionin e gjerë, kurdo që ato kërkohen dhe janë të nevojshme për media dhe publikun”, thuhet në reagimin e PK-së./teve1.info/
