Sveçla theksoi se ky donacion i paraparë për policinë kufitare do ta lehtësojë punën dhe do ndihmojë në luftimin e trafikimit me qenie njerëzore, përcjell teve1.info
Ai potencoi se lufta ndaj krimit të organizuar dhe korrupsionit është fokusi kryesor i Qeverisë.
“Donacioni që Qeveria gjermane ka dhuruar për policinë kufitare do të lehtësojë punën tonë dhe do të ndihmojë në luftimin e trafikimit me qenie njerëzore, me mallra të kontrabandës dhe të krimit, me paisjet më të fundit teknologjike…ndërkohë janë duke vazhduar edhe trajnimet për policinë kufitare nga instruktorët e Policisë gjermane dhe ashtu siç ne i zotohemi qytetarëve tanë, po ashtu i zotohemi edhe aleatëve dhe partnerëve tanë se sundimi i rendit dhe ligjit, lufta ndaj krimit të organizuar dhe korrupsonit është dhe do të mbetet fokusi ynë primar si Qeveri, si parakusht për zhvillim e progres të vendit tonë”, deklaroi Sveçla.
Ministri Sveçla shtoi se shpreson që bashkëpunimi me Gjermaninë do të thellohet e rezultatet do të rriten.
Në pranimin e donacionit të pranishëm ishin edhe ambasadori gjerman në Kosovë, Jorn Rohde dhe u.d. i drejtorit të Policisë, Fehmi Hoti. /Teve1.info/
