Policia e Kosovës ka kryer një aksion në Mitrovicë të Veriut, ku ka konfiskuar pajisje për prodhimin e kriptovalutave.
Siç ka njoftuar zëvendësdrejtori i policisë për këtë rajon, Veton Elshani në rrugën “Çeta e Minatorëve” janë konfiskuar 59 makina për mihjen e kriptovalutave.
Gjithashtu Elshani për teve1.info ka thënë se lidhur me këtë rast nuk ka të arrestuar.
“Sot në orët e paradites pas pranimit të informacioneve nga qytetarët, policia ka ndërhyr në dy shtëpi në Mitrovicën e Veriut ne rrugën “Çeta e Minatorëve” dhe ka konfiskuar 59 makina për mihjen e kriptovalutave. Dogana e Kosovës i ka pranuar këto duke marr parasysh se kjo është kundërvajtje doganore. Nuk ka të arrestuar”, ka thënë ai për teve1.info.
