Policia e Kosovës, përmes Njësitit të Hetimeve të Kryeqytetit, ka kërkuar bashkëpunim me qytetarët për të identifikuar një person të dyshuar për përfshirje në veprën penale “Vjedhje e rëndë”.
Sipas njoftimit zyrtar, kërkesa është bërë me autorizim të prokurorisë kompetente. Bashkëngjitur me njoftimin, policia ka publikuar edhe fotografinë e personit që kërkohet për identifikim.
“Të nderuar, për çdo informatë që mund të çojë në identifikimin e tij, ju lusim të kontaktoni policinë në numrin 192 apo përmes emailit: [email protected]”, thuhet në thirrjen e Policisë së Kosovës.
Policia garanton konfidencialitet të plotë për të gjithë qytetarët që ofrojnë informacione relevante.
