Policia e Kosovës ka kërkuar ndihmën e qytetarëve për identifikimin e një personi të dyshuar për përfshirje në një rast grabitjeje. Në një postim zyrtar në rrjetin social Facebook, është publikuar fotografia e personit që dyshohet për këtë vepër penale.
“Sektori i Hetimeve të Kryeqytetit, me autorizim nga prokuroria kompetente, kërkon ndihmë nga qytetarët në ofrimin e informatave që do të ndihmonin në identifikimin e personit që shihet në fotografi. I njëjti dyshohet për përfshirje në veprën penale ‘grabitje’”, thuhet në njoftimin e policisë.
Policia bën thirrje që kushdo që ka informacione që mund të ndihmojnë në identifikimin e të dyshuarit, të kontaktojë përmes numrit të telefonit 192, ose përmes adresës elektronike [email protected].
Garantohet ruajtja e anoniminitetit për të gjithë qytetarët që ofrojnë informacione.
