Edhe sot Policia e Kosovës ka vazhduar kontrolle të terrenit përgjatë kanalit në Varragë të Zubin Potokut.
Kështu ka bërë të ditur për Tëvë1, zëvendësdrejtori për veriun e Kosovën, Veton Elshani.
Ai njoftoi se gjatë kontrolleve kanë realizuar edhe bastisje.
“Kemi konfiskuar tri pushkë gjuetie, por nuk kemi të ndaluar apo të arrestuar”, deklaroi ai.
Elshani tha se kontrollet e terrenit janë realizuar me njësinë policore K-9 edhe me njësitë tjera policore.
Në mbrëmjen e 29 nëntorit, në fshatin Varragë të Komunës së Zubin Potokut, në veri të vendit, ka ndodhur një shpërthim që ka dëmtuar kanalin e ujit të Ibër-Lepencit.
Autoritet në Kosovë e kanë cilësuar sulm terrorist dhe gishtin e kanë drejtuar nga Serbia./teve1.info/
