E nga Lista Serbe kanë thënë se nëse shqiptohen gjoba për targat do të ketë rezistencë të ashpër.
E për çdo mundësi të përshkallëzimit të situatës Policia e Kosovës është e gatshme dhe e mobilizuar për ruajtjen e rendit dhe qetësisë në atë pjesë.
“Veprimet policore do të ndërmerren konform autorizimeve ligjore dhe kushtetuese, me qëllim të ofrimit të sigurisë dhe shërbimit ndaj qytetarëve, ruajtjes së rendit e qetësisë publike si dhe mbikëqyrjes dhe kontrollit kufitar”, thuhet në qëndrimin e Policisë.
E nga partia në pushtet, thonë se janë duke punuar që të parandalohet tensionimi i gjendjes në veri.
Ndërsa ekspertët e sigurisë, nuk parashikojnë përshkallëzim të situatës në veri.
Nga 21 nëntori deri më 21 janar, pronarët që kanë akoma automjete me targat serbe në Kosovë, do të gjobiten me 150 euro. Ndërsa nga prilli i vitit 2023 të gjitha automjetet me targa jo RKS do të konfiskohen.
Kronika e gazetares Doresa Geci.
