Policia e Kosovës ka njoftuar se tre persona janë arrestuar e një është në kërkim policor.
Në njoftim thuhet se gjatë kontrollit në një veturë në Prizren, në shtëpi dhe objektet përcjellëse janë gjetur dhe sekuestruar 227.33 gramë kokainë, 70.98 gramë ekstazi, 2087.11 marihuanë, 297.32 gramë substancë e dyshuar narkotike e llojit të panjohur, dy peshore elektrike, tre telefon, një fishek, një kamerë, disa dokumente identifikuese të personave të ndryshëm dhe 380€ para të gatshme.
“Si rezultat i punës dhe angazhimeve policore me datë 04.02.2025 në Prizren janë arrestuar tre të dyshuar meshkuj kosovarë për shkak se gjatë kontrollit tek të njëjtit në veturë, shtëpi dhe objekte përcjellëse janë gjetur dhe sekuestruar: 227.33 gramë substancë e dyshuar narkotike e llojit kokainë, 70.98 gramë substancë e dyshuar narkotike e llojit ekstazi, 2087.11 gramë substancë e dyshuar narkotike e llojit marihuanë, 297.32 gramë substancë e dyshuar narkotike e llojit të panjohur, një veturë, dy peshore elektronike, tre telefona celularë, një fishekë, një kamerë, disa dokumente identifikuese të personave të ndryshëm dhe 380€ para të gatshme. Tre të dyshuarit pas intervistimit me vendim të prokurorit janë dërguar në mbajtje, ndërsa një i dyshuar tjetër është në kërkim policor”, thuhet në njoftim.
