Policia e Kosovës e ka arrestuar një person në orët e para të mëngjesit të së shtunës në Prishtinë nën dyshimin për tentim të vjedhjes së rëndë.
Sipas Policisë, rasti ka ndodhur rreth orës 01:45, kur i dyshuari, mashkull kosovar, është hasur nga njësia policore duke tentuar të hyjë për të vjedhur në shtëpinë e ankuesit.
Pas intervistimit, me vendim të prokurorit, i dyshuari është dërguar në mbajtje.
“Është arrestuar i dyshuari mashkull kosovar (m/k) për shkak se nga njësiti policor është hasur duke tentuar të hyjë për të vjedhur në shtëpinë e ankuesit m/k. Pas intervistimit me vendim të prokurorit i dyshuari është dërguar në mbajtje”, ka njoftuar Policia e Kosovës.
Rastet e vjedhjeve ditët e fundit janë shtuar në vendin tonë.
