Policia e Kosovës ka njoftuar se pas një operacioni policor, në një shtëpi në fshatin Koliq të Prishtinës ka gjetur armë dhe municion.
Sipas njoftimit të Policisë, gjatë kontrollit janë gjetur dhe sekuestruar një armë 7.62mm, dy armë 9×19 mm, tetë karikatorë, 61 fishekë 7.62, dy armë gjuetie, 12 GA , një pushkë me dylbi prodhim italian si dhe 303 fishekë kalibrash të ndryshëm.
Policia ka bërë të ditur se është arrestuar një i dyshuar dhe rasti i nënshtrohet vijueshmërisë të mëtejme hetimore.
Ky kontroll është bërë me urdhër të gjykatës pas dyshimeve se po kryhet vepra penale ‘Importi, eksporti, furnizimi, transportimi, prodhimi, këmbimi, ndërmjetësimi ose shitja e paautorizuar e armëve apo materieve plasëse.
