Policia e Kosovës ka dhënë disa këshilla se si shoferët të kenë kujdes të shtuar në trafik gjatë mjegullës.
Në njoftim thuhet se ngasja në mjegull mund të jetë e rrezikshme, andaj duhet mbajtur në vëzhgim rrugën për ndryshimet të cilat mund të paraqiten në dukshmëri, përcjell teve1.info
“Kërkohet vëmendje e shtuar gjatë ngasjes kur ka prezencë të mjegullës e cila ndikon në zvogëlimin e dukshmërisë. Çdo vit, si pasojë e mjegullës që shfaqet në rrugë, shkaktohen aksidente të shumta. Mos harroni se ngasja në mjegull mund të jetë e rrezikshme! Mbani në vëzhgim rrugën për ndryshime të papritura të dukshmërisë”, bëhet e ditur në njoftim.
Me këtë rast, PK-ja apelon te të gjithë pjesëmarrësit në trafik për kujdes dhe përshtatje të shpejtësisë ndaj kushteve në rrugë. /Teve1.info/
