Polici serb Bojan Jevtiq, i arrestuar nën dyshimin për veprën penale të spiunazhit, është paraqitur në Gjykatën Themelore në Prishtinë për seancën dëgjimore.
Prokuroria Themelore ka kërkuar masën e paraburgimit prej 30 ditësh ndaj tij, duke e arsyetuar kërkesën me rrezikun e arratisjes dhe ndikimit në hetime.
Seanca është mbajtur e mbyllur për publikun dhe mbetet të pritet vendimi i gjykatës lidhur me kërkesën e Prokurorisë.
Jevtiqi është arrestuar më 17 korrik, ndërsa rasti po trajtohet si çështje e ndjeshme e sigurisë kombëtare.
