Siç bën të ditur QKUK, polici i lënduar është jashtë rrezikut për jetë dhe është pranuar për trajtim të mëtejmë në Klinikën e Kirurgjisë Torakale, përcjell teve1.info
“Ekipi i Klinikës Emergjente bashkë me mjekët konsultantë nga klinikat përkatëse kanë kryer të gjitha ekzaminimet e nevojshme dhe rasti, sipas mjekëve, është jashtë rrezikut për jetë. Pacienti është pranuar për trajtim të mëtejmë në kuadër të Klinikës së Kirurgjisë Torakale”, thuhet në njoftim.
Policia e Kosovës është sulmuar mbrëmë deri sa kanë qenë në patrullim në fshatin Serbovc të Komunës së Zveçanit.
Ky institucion ka thënë se njësitë që kanë qenë në detyrë “janë sulmuar nga persona të armatosur me armë të gjata, nga një automjet i tipit Audi, ngjyrë hiri, me targa KM”. /Teve1.info/
