Këtë vendim ai e ka bërë të ditur përmes një statusi në Facebook ku ka deklaruar se për të nuk ka qenë aspak e lehtë ta marrë një vendim të tillë.
Ai ka shkruar se pas 21 vitesh punë në shërbim në Polici për shkak të gjendjes ekonomike është detyruar të marrë një vendim të tillë, përcjellë Teve1.info.
“Paga e pamjaftueshme për ta mbajtur familjen, mungesa e sigurimit jetësor dhe atij shëndetësor, kushtet e punës, e shumë çështje të tjera, më kanë detyruar ta marr këtë vendim aspak të lehtë, mirëpo të detyrueshëm” ka shkruar ai në facebook.
Ndërkohë, Leci e nisi punën e tij në Policinë e Kosovës në vitin 2001, kur ishte 22 vjeç, së pari si polic i thjeshtë në Stacionin e Veriut, për të përfunduar në Drejtorinë për Hetimin e Krimeve Ekonomike, në pozitën e shefit të Njësisë.
