Megjithatë, Policia e Kosovës vazhdon të hapë tendere tjera, për pjesë të ndryshme të uniformave të policëve.
Radhën për furnizime të reja e kanë veshjet solemne.
Mbi një milion euro janë paraparë, për blerjen e këpucëve solemne, të cilat vishen në raste të veçanta.
Deri te policët, këto këpucë do të shkojnë në dy pjesë.
“Pjesa e parë kap vlerën e një milion e 224 mijë euro, duke përfshirë 36 mijë këpucë. Ndërkaq, pjesa e dytë me vlerë 16 mijë e 860 euro, përfshinë 300 palë këpucë për meshkuj dhe 31 palë këpucë për femra”, thuhet në përgjigjen e Policisë.
Më me rëndësi, sipas njohësit të sigurisë, Bedri Elezi janë furnizimet me çizme, sidomos për policët kufitarë.
Përpos dështimeve në tendere, disa furnizime të Policisë janë në procedura të Organit Shqyrtues të Prokurimit.
Kronika e realizuar nga Florijeta Dernjani
