Ende nuk janë gjetur tre personat dhe vetura me targa të Kosovës, e cila dyshohet se dje është përmbysur në lumin Lepenc, përkatësisht afër tunelit në rrugën Shkup – Bllacë.
Ministria e Brendshme e Maqedonisë së Veriut ka njoftuar se një person është shpëtuar, ndërsa tre pasagjerët tjerë janë ende në kërkim.
Lidhur me këtë ngjarje tashmë aksionit për gjetjen e tre personave iu është bashkangjitur Shoqata e Kosovës për Kërkim Shpëtim dhe Forca e Sigurisë së Kosovës.
“Anëtarët e Shoqata e Kosovës për Kërkim dhe Shpëtim janë nisur drejt Maqedonisë Veriore për kërkimin e familjes Pacollit të rënë në lumin Lepenc ditën e djeshme”, thuhet në njoftim.
Informatat e fundit janë se FSK dhe ekipet nga Maqedonia kanë detektuar një zonë të ngushtë, ku sipas analizave nuk mund të kalojë vetura sepse lumi aty ndahet në dy pjesë.
20 vjeçari, është personi i cili arriti të shpëtojë duke u hedhur nga vetura, ndërsa sipar rrëfimit të tij për prokurorinë dhe policinë, veturën e kishte marrë lumi. Informacionet e para flasin se automjeti i tipit BMW ka hyrë në parakalim, më pas ka humbur kontrollin dhe ka rënë në ujë./teve1.info/
