Grupi i tifozëve “Plisat” ka ftuar qytetarët të marrin pjesë në marshin “Drejtësi, jo politikë”, i cili mbahet më 17 shkurt në sheshin “Skenderbeu” në Prishtinë, në mbështetje të çlirimtarëve që po gjykohen në Hagë.
Përmes një postimi në Facebook, “Plisat” theksojnë se ushtarët e UÇK-së po mbahen padrejtësisht në Hagë pasi ata luftuan për liri, ndërsa krimet ndaj popullit shqiptar mbeten të pandëshkuara.
“Plisat i bashkohen zërit qytetar për drejtësi, për nderimin e luftës çlirimtare dhe për mbrojtjen e historisë. Heshtja nuk është opsion kur po gjykohet lufta për liri”, thuhet në postimin e grupit të tifozëve./teve1.info/
