Që nga 1 tetori Tëvë do të jetë e shtrirë në të gjithë territorin e Kosovës.
Këtë e bëri të ditur drejtori Ekzekutiv i Tëvë 1, Dukagjin Maliqi.
“Nga 1 tetori, nga dita e nesërme do të jemi të shtrirë në të gjitha platformat që rrjedhimisht i bie se do të jemi të shtrirë në të gjithë territorin. Pashmangshëm Tëvë 1 nuk shkon i vetëm në ArtMotion dhe Kujtesa, në 11 në Artmotion dhe Kutjesa. Tëvë 1 do të jetë bashkë edhe me kanale të tjera të Tëvë që transmetojnë materiale filmike”, deklaroi ai.
Maliqi premton se platforma do të vazhdojë të dhurojë programacion të pasur.
“Tëvë 1 do të vazhdojë të ofrojë programacion të larmishëm dhe për të gjitha moshat e shijet, do të jemi sigurisht në hap me të gjitha zhvillimet, ndryshimet sezonale dhe që shikuesi do të dojë të shikojë në ekran”, shtoi ai.
Platforma Tëvë që është produkt i Telkosit, filloi të ofrojë programacion që nga 22 shkurti i këtij viti për të gjitha moshat e shijet, duke u shndërruar kështu në një adresë të informimit për secilin qytetar.
Kronika e gazetarit Gojart Jashari.
