Lidhja Demokratike e Kosovës garon për të fituar zgjedhjet dhe mesazhin e kësaj do ta japin më 11 janar në hapjen e fushatës zgjedhore në Prishtinë.
Kështu ka thënë kandidati për deputet nga LDK, Gezim Plakolli.
Ai ka thënë se më 9 shkurt qytetarët do të votojnë në besim në programin e ofruar nga kjo parti.
“Garojmë për vend të parë, gjasat janë shumë reale. Mesazhin e parë do të e japim më 11 janar në tubimin hapës që LDK e organizon në “Pallatin e Rinisë”. Aty partitë politike dhe Kosova do ta merr vesh mesazhin e LDK-së. Më 9 shkurt do të ketë votë e kthyer në besim të cilën ne e kemi ofruar përmes programit politik”, ka thënë Plakolli në emisionin “InfoNata” në Tëvë1.
Ai ka thënë se të gjitha partitë janë të gatshme për të bërë koalicion përfshirë edhe Vetëvendosjen, ndonëse kryeministri aktual dhe i nominuari nga kjo parti edhe për një mandat e përjashtojë një mundësi të tillë.
Plakolli ka thënë se nuk do të ketë koalicion me asnjë parti nëse LDK nuk e ka kryeministrin në qeveri.
