Një person ka mbetur i plagosur me armë zjarri në Pogradec të Shqipërisë.
Sipas informacioneve paraprake, i plagosuri ka mbetur B. S., i cili ka marrë një plagë në këmbë, raporton rtsh.al.
Ai është transportuar menjëherë në Spitalin e Pogradecit, ku po merr ndihmën e nevojshme mjekësore ndërsa ndodhet jashtë rrezikut për jetën.
Burime paraprake bëjnë me dije se i plagosuri është një person i njohur për Policinë e Shtetit, për shkak të precedentëve penalë.
Policia ka mbërritur në vendngjarje dhe ka nisur hetimet për zbardhjen e rrethanave të ngjarjes.
