Në rrugën “Haxhi Zeka” në Prishtinë është raportuar një rast plagosjeje aksidentale me armë zjarri. Sipas informacioneve të para, një i dyshuar, shtetas mashkull kosovar, aksidentalisht ka plagosur në këmbë një person tjetër – gjithashtu mashkull kosovar.
Viktima është dërguar menjëherë për trajtim mjekësor në Qendrën Klinike Universitare të Kosovës (QKUK). Deri në këtë fazë të hetimeve nuk raportohet për ndonjë të arrestuar lidhur me rastin.
Policia është duke e hetuar incidentin për të sqaruar rrethanat dhe përgjegjësinë ligjore.
“Rr. Haxhi Zeka, Prishtinë 25.06.2025-11:15. Është raportuar se i dyshuari mashkull kosovar, aksidentalisht e kishte plagosur me armë zjarri në këmbë viktimën mashkull kosovar. Viktima është dërguar për tretman mjekësor në QKUK, ndërsa nuk raportohet për të arrestuar”, thuhet ne raportin e policisë.
