Një person është plagosur të premten në një lokal në Malishevë.
Sipas raportit të policisë, viktima është dërguar në QKUK për tretman mjekësor, ku është jashtë rrezikut për jetë.
Lidhur me këtë rast është identifikuar dhe arrestuar i dyshuari, i cili ka dorëzuar në polici një armë me gaz me shtatë fishek dhe një gëzhojë fisheku me gaz e cila dyshohet se është përdorur në rast.
Policia ka bërë të ditur se është bastisur shtëpia e të dyshuarit dhe nuk kanë gjetur asgjë të dyshuar.
“Malishevë 10.01.2025 – 03:25. Është raportuar se në një lokal, ka ndodhë një rast plagosje me armë zjarri. Viktima mashkull kosovar ka mbetur i plagosur dhe është dërguar në QKUK për tretman mjekësor. Sipas mjekëve viktima është jashtë rrezikut për jetë. Lidhur me rastin është identifikuar dhe arrestuar i dyshuari mashkull kosovar i cili ka dorëzuar një armë me gaz me shtatë (7) fishekë kal.9mm dhe një gëzhojë fisheku me gaz e cila armë dyshohet se është përdorur në rast. Lidhur me rastin është bastisur shtëpia e tij, por nuk është gjetur asgjë e dyshimtë. Me vendim të prokurorit kujdestar të dyshuarit, i është caktuar masa e ndalimit policor për 48 orë. Rasti është duke u hetuar”, thuhet në raport./teve1.info/
