Sipas Policisë, i dyshuari pas një mosmarrëveshje që kishte pasur me viktimën e kishte qëlluar me armë, të cilit i është sekuestruar arma pistoletë e kalibrit 4.62mm, dhe 6 copë fishekë të kalibrit 7.62mm, raporton teve1.info
Lajmin per teve1.info e ka konfirmuar edhe zëdhënësi i Policisë për rajonin e Gjakovës, Sheremet Elezaj.
Viktima ka kërkuar ndihmë mjekësore në Spitalin Rajonal të Gjakovës për shkak të plagës së shkaktuar nga arma.
“Në lidhje me këtë rast, Drejtoria Rajonale e Policisë në Gjakovë, ka ndërmarr veprimet e nevojshme operative dhe hetimore dhe menjëherë ka dalë në vendin e ngjarjes (fshati Dujakë, Komuna e Gjakovës) ku dhe është arrestuar i dyshuari SH. K. (M/K) i lindur në vitin 1978 i cili dyshohet që pas një mosmarrëveshje që kishte pasur me viktimën e kishte qëlluar atë me armë zjarri. Në posedim të të dyshuarit është sekuestruar arma pistoletë e kalibrit 7.62mm (e cila dyshohet të jetë përdorur në rast), dhe 6 copë fishekë të kalibrit 7.62mm.Me urdhër kontrollin e lëshuar nga Gjykata në vendbanimin e të dyshuarit po ashtu është sekuestruar si provë materiale edhe një karikator dhe 8 copë fishkë të tjerë të kalibrit 7.62mm”, thuhet në komunikatën për media.
I dyshuari është ndaluar për 48 orë.
