Një person është plagosur me armë zjarri të enjten në fshatin Dëbëllde – Komuna Viti.
I plagosuri sipas Policisë së Kosovës është rreth 45- vjeç i cili është transportuar në Emergjencën e Spitalit Rajonal në Gjilan.
Zëdhënësi i Policisë së Kosovës për rajonin e Gjilanit, Ismet Hashani ka thënë për teve1.info se i dyshuar i cili është i njohur për organet e rendit ndodhet në arrati.
“Ju njoftojmë se rreth orës 14:30 Policia e Kosovës në Viti është njoftuar se në fshatin Dëbëllde – Komuna Viti , me armë zjarri është plagosur personi shtetas i Kosovës rreth 45 vjeç. Viktima është transportuar në Emergjencën e Spitalit Rajonal–Gjilan , sipas informatave preliminare i dyshuari i njohur për policinë rreth 40 vjeç, për momentin është në arrati. Njësitet e Sektorit të Hetimeve Rajonale janë në vendin e ngjarjes dhe me autorizim të Prokurorit të shtetit janë duke i hetuar rrethanat e këtij rasti”, deklaroi Hashani.
