Një person i moshës 19-vjeçar është plagosur në Istog. Ngjarja raportohet të ketë ndodhur në orët e para të së martës.
Zëdhënësi i Policisë për Rajonin e Pejës, Fadil Gashi, konfirmoi se personi gjendet jashtë rrezikut për jetë.
“Rreth 02:20, policia është njoftuar nga Emergjenca e spitalit që një person po trajtohet si pasojë e plagosjes. Ai tani gjendet jashtë rrezikut për jetë. Policia i është përgjigjur vendit të ngjarjes dhe rasti fillimisht është cilësuar si ‘Mbajtje nën pronësi, kontroll të paautorizuar të armëve”, tha Gashi.
