Një qytetar në Prishtinë dyshohet se është palosur nga arma e zjarrit në orët e hershme të mëngjesit, raporton teve1.info
Zëdhënësja e Policisë për Rajonin e Prishtinës, Flora Ahmeti, tha për teve1.info se i lënduari është dërguar për tretman mjekësor derisa po bëhen hetimet rrejt këtij rasti.
Sipas Ahmetit, për rastin Policia është informuar rreth orës 40:00 të mëngjesit të së enjtes, derisa ngjarja ka ndodhur në rrugën “Lidhja e Pejës”.
“Sot rreth orës 04:00, policia ka marrë informatën për të shtëna me armë zjarri në rrugën ‘Lidhja e Pejës’ në Prishtinë.
Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen.
Bazuar në të dhënat fillestare dyshohet se me armë zjarri është plagosur një person, i cili është dërguar për tretman mjekësor.
Hetuesit policor në koordinim me prokurorinë, po ndërmarrin veprimet hetimore për identifikimin dhe arrestimin e personit/ personave të dyshuar si dhe ndriçimin e plotë të rastit”, ka thënë Ahmeti.
