Kompania Rajonale e Ujësjellësit “Prishtina”, ka rritur kontrollet në objekte të ndryshme ku dyshohet se ka keqpërdorim të ujit të pijshëm.
Një rast i tillë është evidentuar edhe në Graçanicë, ku pishina publike ishte duke u mbushur me ujë të pijshëm.
KRU Prishtina ka paralajmëruar ndëshkim për këto raste dhe inspektim në të gjitha pishinat.
“Punonjësit e mirëmbajtjes në Graçanicë kanë hasë në një pishinë publike duke e mbushë me ujë të pijshëm. E neveritshme dhe më shumë se shqetësuese. Do të inspektohen të gjitha pishinat, bashkërisht me laborator, duke bërë matjen e sasisë së klorit. Ndëshkim maksimal”, thuhet nga KRU “Prishtina”.
