Edhe nëse gazetarët mund të shpifin, Piraj theksoi se për këtë ekzistojnë sanksione.
“Për logjikën e shpifjes ekzistojnë edhe sanksione të cilat dihen me normat ndërkombëtare… Mendoj që gazetarët më shumë se çdo herë tjetër e kanë mundësinë që të hulumtojnë, sepse ekzistojnë normat nga Bashkësia Ndërkombëtare, që kanë të drejtë të caktojnë apo më mirë të themi të kenë qasje në dokumentet që ekzistojnë në institucionet tona. Dhe, aty janë të rregulluara me ligj dhe tjetër është se ndoshta njerëzit mundohen t’i fshehin ato”, tha ai në “Info Nata” në Tëvë 1.
Piraj shtoi se tani gazetarët kryejnë më shumë punë, e jo ta përmbyllin ditën vetëm me një shkrim siç bëhej kohë më parë.
“Por, një e mirë e kësaj natyre është se gazetarët vërtetë vrapojnë tash. Nuk ekziston për shembull sikurse një periudhë të caktuar, e ke bërë një shkrim dhe pastaj gjatë gjithë ditës mundesh ta përmbyllësh aktivitetin tënd si gazetar. Tash më nuk është kështu. Gjatë gjithë ditës je i preokupuar me lajme”, tha Piraj. /Teve1.info/
