Kjo pika kufitare në Merdarë është mbyllur në mbrëmjen e së martës për shkak se pak kilometra nga kjo pikë, serbët kanë ngritur një tjetër barrikadë në fshatin Kurshumlij të Serbisë.
Të mërkurën Ministria e Punëve të Jashtme dhe Diasporës ka kërkuar nga bashkatdhetarët të cilët vijnë në Kosovë përmes Serbisë që ta shmangin këtë pikë-kalimi.
Barrikadat janë du qëndruar edhe në rrugët e veriut të Kosovës. Ndërkohë, Presidenti i Serbisë, Aleksandar Vuçiq, pas takimit me përfaqësuesit e serbëve nga Kosova, tha heqja e barrikadave në veri të Kosovës do të nisë mëngjesin e së enjtes.
“Për 24 orë apo 48 orë do të hiqen barrikadat”, tha ai.
Ai tha paraprakisht, se janë dhënë garanci se kërkesat e serbëve për heqjen e barrikadave do të plotësoheshin.
