Shërbimi Korrektues i Kosovës ka njoftuar se pesë zyrtarë korrektues janë pezulluar nga puna.
Sipas SHKK-së, vendimi ndaj tyre është marrë për shkak të dyshimit të keqpërdorimit të armëve zyrtare.
“Shërbimi Korrektues i Kosovës njofton opinionin publik se, pas pranimit të raportit fillestar nga organet e ndjekjes, ka marrë vendim për pezullimin nga detyra të pesë zyrtarëve korrektues, të cilët dyshohen për keqpërdorim të armëve zyrtare. Shërbimi Korrektues i Kosovës mbetet i përkushtuar për të vepruar gjithmonë në bazë të ligjit dhe për të garantuar mbarëvajtjen e procedurave ligjore”, thuhet në njoftim.
