Megjithatë, sipas tij ky propozim është një hap i madh drejt normalizimit të marrëdhënieve.
“Është një hap i rëndësishëm drejt normalizimit, por gjithsesi nuk nënkupton arritjen e një marrëveshjeje përfundimtare, është një propozim dhe do të thotë se ka një ide konkrete se si të dalim nga një situatë që ka zgjatur shumë dhe në të cilin nuk ka asnjë progres, sepse dialogu për një vit e gjysmë apo për dy vitet e fundit shërben vetëm për shuarjen e zjarreve, por nuk arrin të çojë në normalizimin e marrëdhënieve”, ka thënë ai.
Tutje Petritsch ka bërë thirrje që të themelohet Asociacioni i Komunave me Shumicë Serbe.
“Nga njëra anë, Beogradi dëshiron që Prishtina më në fund të fillojë zbatimin e marrëveshjes për asociacionin. Ai komunitet, ose sido që dikush e quajti, duhet të krijohet, hap pas hapi. Nga ana tjetër, Prishtina dëshiron të shkohet në drejtimin e njohjes dhe kjo nuk do të jetë e mundur menjëherë. Është e rëndësishme që në Beograd të kuptojnë se është e rëndësishme të përmirësohen kushtet e jetesës për serbët në Kosovë”, ka shtuar ai për kosovo online.
Duke folur për mundësitë për kompromis, ai shtoi se “duket se kjo fjalë për Albin Kurtin është e huaj”.
“Kam qenë në takime të ndryshme mes Aleksandër Vuçiqit dhe Hashim Thaçit dhe kam pasur përshtypjen se ata e respektojnë njëri-tjetrin në një farë mënyre. Duhet një besim tek tjetri në negociata. Aljbin Kurti është një person tjetër, një person për të cilit, me sa duket, termi “kompromis” është fjalë e huaj. Dhe ai nuk është i vetmi në rajon. Nuk ka kulturë kompromisi në rajon, sepse konsiderohet se kompromisi është diçka e humbur, e cila nuk është e vërtetë”, ka vlerësuar ai. /teve1.info/
