Dy aksidente kanë ndodhur sot pasdite në rajonin e Pejës.
Aksidenti i parë ka ndodhur në Gllarevë të Klinës, ku një person është vetaksidentuar.
Kështu ka bërë të ditur për teve1.info, zëdhënësi i policisë rajonale të Pejës, Fadil Gashi.
“Në orën 14:28 Policia është njoftuar se në Gllarëve të Klinës ka ndodh një vetaksident, personit të lënduar ju ka dhënë ndihma e parë në emergjencë në Klinë dhe më pas është liruar”, tha Gashi.
Ndërsa në aksidentin në Dobrushë të Istogut katër persona janë lënduar.
“Në Dobrushë të Istogut policia është informuar në orën 15:25 për aksident mes dy automjeteve, 4 persona janë lënduar dhe janë dërguar në spital rajonal për trajtim, më pas janë liruar”, tha ai.
