Pesë persona janë arrestuar në Prishtinë, katër meshkuj dhe një femër, nën dyshimin se kanë rrëmbyer një person, të cilin e kanë mbajtur për një periudhë kohore në një shtëpi, duke e keqtrajtuar fizikisht.
Sipas raportit policor, të dyshuarit ia kanë marrë edhe veturën viktimës.
Gjatë kontrollit, policia ka konfiskuar një armë pistoletë me një fishek, si dhe rreth 2 gram substancë narkotike të dyshuar si marihuanë.
Me vendim të prokurorit, katër nga të dyshuarit janë dërguar në mbajtje, ndërsa e dyshuara femër është liruar në procedurë të rregullt.
“Prishtinë, 10.05.2026 – 22:00. Më 19.05.2026 janë arrestuar pesë të dyshuar, një femër dhe katër meshkuj kosovarë, nën dyshimin se kanë kryer veprat e lartcekura duke rrëmbyer viktimën mashkull, të cilin e kishin mbajtur për një kohë në një shtëpi duke e maltretuar fizikisht, si dhe i kanë marrë një veturë. Gjatë kontrollit është konfiskuar një armë pistoletë me një fishek, si dhe 2 gram substancë narkotike marihuanë. Me vendim të prokurorit, katër nga të dyshuarit janë dërguar në mbajtje, ndërsa e dyshuara femër është liruar në procedurë të rregullt”, thuhet në raportin e policisë.
