Pesë persona janë arrestuar në Kaçanik, dy prej të cilëve shtetas serbë, nën dyshimin se kanë tentuar të kryejnë një vjedhje në një argjendari.
Dy shtetasit serbë janë kapur në flagrancë gjatë kryerjes së veprës, ndërsa në vendin e ngjarjes policia ka konfiskuar disa mjete të dyshuara si të përdorura për vjedhjen, përfshirë një shufër metali, një palë dara, tri kaçavida, pesë çelësa të ndryshëm, një skallper dhe dorëza.
Pas intervistimit me vendim të prokurorit, të dyshuarit janë dërguar në mbajtje, ndërsa rasti është duke u hetuar si vjedhje e rëndë në tentativë. /teve1.info/
