Në Prishtinë e në Mitrovicë të veriut janë vjedhur dy vetura.
Në Prishtinë, ankuesi ka raportuar në Polici se i është vjedhur vetura me targa lokale. Në lidhje me rastin është njoftuar edhe prokurori kujdestar, shkruan teve1.info
“Prishtinë 30-31.10.2022 – 21:00-06:30. Ankuesi mashkull kosovar ka raportuar se nga persona të panjohur dyshohet se i është vjedhur automjeti i tij me targa lokale. Është njoftuar prokurori kujdestar përderisa janë duke u ndërmarr veprime hetimore”, thuhet në raport.
Po ashtu edhe në veri një person ka raportuar në Polici se të njëjtit i është vjedhur veta, e që sipas tij vlera e veturës është rreth 3 mijë euro.
“Mitrovicë Veri 27-28.10.2022 – 01:00. Ankuesi mashkull kosovar ka raportuar se nga persona të panjohur iu është vjedhur vetura. Sipas ankuesit, vlera e veturës është rreth 3000 euro. Rasti është duke u hetuar”, thuhet në raportin 24 orësh.
E në Podujevë, Gjakovë e Vushtrri hajnat kanë vjedhur stoli ari, para të gatshme, e një pasaportë.
Në Podujevë raportohet se disa persona të panjohur në një shtëpi kanë vjedhur një shumë parash të gatshme dhe një pasaportë.
“Podujevë 31.10.2022 – 13:30. Ankuesi mashkull kosovar ka raportuar se persona të pa njohur dyshohet se kanë depërtuar me forcë në shtëpinë e tij dhe kanë vjedhur një shumë para të gatshme, stoli ari dhe një pasaportë”, thuhet në raport.
Ndërsa edhe në Gjakovë disa persona të panjohur nga një objekt kanë marrë disa gjëra, vlera e të cilave ende nuk dihet.
“Gjakovë 30.10.2022 – 15:00. Ankuesi mashkull kosovar ka raportuar se persona të panjohur dyshohet se kanë depërtuar me forcë përmes dritares brenda objektit dhe kanë marr disa gjëra vlera e të cilave nuk dihet. Rasti në procedurë hetimore”, thuhet në raport.
Po ashtu në Vushtrri janë vjedhur një shumë të hollash.
“Vushtrri 31.10.2022 – 05:55. Ankuesi mashkull kosovar ka raportuar se dyshohet që persona të panjohur me forcë kanë depërtuar në brendësi të objektit dhe kanë vjedhur një shumë të hollash. Nuk raportohet për të arrestuar. Rasti nën hetime”, ka bërë të ditur Policia në raportin 24 orësh./teve1.info
